Vinnar av P2-lytternes romanpris 2010
Ole er ein mjuk mann med kone, barn og gard. Når som helst kan han miste alt. Tom Roger er ein skremmande muskelbunt frå ein familie med dårleg rykte. Inni han brenn eit ønske om å bli ein annan. Paula vil så inderleg gjerne bli elska. Når sonen og sonesonen besøker henne på gamleheimen, kjem mørke løyndommar for ein dag.
Carl Frode Tiller fortsett der han sleppte i "Innsirkling". Den mystiske David har mista hukommelsen, og ein annonse oppfordrar gamle kjente til å skrive til han. Ole, Tom Roger og Paula bestemmer seg for å svare. Med djup psykologi og rå, svart humor sirklar Tiller inn liva til David og brevskrivarane. Dermed gir han også eit rikt tverrsnitt av tida dei lever i, vår tid.
Carl Frode Tiller har hatt stor suksess med "Innsirkling"(2007). For den vart han tildelt Brageprisen, Sultprisen og Kritikarprisen, og han vart nominert til Nordisk Råds litteraturpris 2008. For "Innsirkling 2" blei Carl Frode Tiller nominert til Nordisk Råds litteraturpris 2010.
"Høstens store norske."
Ane Farsethås, Dagens Næringsliv
"Carl Frode Tiller innfrir alle forventninger."
Turid Larsen, Dagsavisen
" ... så nervepirrende at jeg fryser på ryggen"
Cathrine Krøger, Dagbladet
"... det største dramatiske talentet Norge har fostret på lange tider."
Knut Hoem, NRK
Høyr alle lydbøkene i den prisvinnande Innsirkling-trilogien:
- Innsirkling
- Innsirkling 2
- Innsirkling 3
0 kommentarer